حافظي على صحتك وصحة جنينك أثناء الحمل ☺

حافظي على صحتك وصحة جنينك أثناء الحمل ☺
وإبعدي عن الأطعمة دي👇
- بلاش تاكلي اللحوم المجمدة أو المصنعة زي اللانشون والتركي والسلامي ومشتقاتهم زي البرجر وإخواته لأنها مش مفيدة وبتكون متعبة في الهضم😫
- التمر أو البلح بكميات كبيرة لأنه بيساعد الرحم على الإنقباض وممكن يسبب إجهاض من 2: 6 حبات يومياً عدد مناسب جداً 👌
- العصائر المعلبة لأنها مليانة مواد حافظة حاولي تستبدليها بالعصائر الفريش
- الشاي والقهوة والكاكاو، ولو حكمت مفيش مانع من كباية صغيرة 👍
- الكحول والتدخين.
- المشروبات الغازية 
- إتأكدي من إن الأكل مستوي كويس ونظيف
إيه هو الإجهاض المتكرر ؟
الإجهاض هو فقد الحمل😢 قبل 28أسبوع ( أول يوم في الشهر السابع ) و لما يحصل الإجهاض مرتين ورا بعض أو أكتر بنسميه بالإجهاض المتكرر 😞
إيه هى أسباب الإجهاض المتكرر؟
1 – عمر المرأة:
كل ما زادت المرأة فى العمر كل ما زادت فرصة حدوث إجهاض و كل ما بتزيد عدد مرات الإجهاض كل ما بتزيد فرصة حدوث إجهاض مرة تانية .
2- الإلتهابات:
في مجموعة من إلتهابات المهبل إسمها (بكتريا الفجينوزيس) و من الممكن أنها تزود من نسبة حدوث الإجهاض المتكرر 
خصوصاً بين الشهر الرابع و السادس 
و فى كتير من الأحيان بيحصل ده دون وجود أعراض واضحة للإلتهاب .
3- ضعف عنق الرحم:
و ده بيحصل مع بعض السيدات و بنقول عليه العنق الغير محكم
و ممكن نقيس إتساع عنق الرحم أثناء الشهر الثالث
4- العيوب الخلقية للرحم:
و اللي ممكن تكون موجودة بدرجات مختلفة و بتحتاج مجموعة من الفحوصات عشان يتم تشخيصها
5- إختلال عوامل التجلط في الدم و اللي بيتم تشخيصها بتحاليل الدم (الأجسام المضادة)
6- عدم إنتظام السجل الهرموني للسيدة الحامل 
زي إرتفاع هرمون اللبن أو إنخفاض هرمون الغدة الدرقيه أو أي ضعف في مستويات هرمون البروجستيرون
نصائح لتجنب الصداع في فترة الحمل أو التقليل منه :
1-اخذ قسط كافي من النوم 😴 خلال الليل او ساعات النهار
2-اخذ قسط من الراحة والاستلقاء وعدم التعرض للاضاءة القوية
3-التغذية الجيدة والمفيدة حيث ان المعدة الفارغة تؤدي الى حالات الصداع نتيجة الهبوط في معدل السكر في الدم
إمتى تشعري بحركات الجنين👶 الأولى؟
الجنين بيبدأ عادة الحركة في الحمل الأول 
(من الأسبوع 18 إلى الأسبوع 20) من الحمل
وهتاخدي فترة عشان تاخدي لبالك إن دي حركات طفلك😏
أما إذا كنتيِ رزقتي بأطفال قبل كدة😄
فهتاخدي بالك بحركة جنينك مبكراً (حوالي الأسبوع 16 من الحمل)
وفي كلتا الحالتين لو لم تشعري بحركة جنينك بحلول الأسبوع 24😞 راجعي طبيبك على الفور.